14 نوفمبر 2007

رسالة الى السيد الرئيس

سعادة الرئيس / محمد حسني مبارك المحترم الموقر
السلام عليكم ورحمة الله وبركاته
بداية أتوجه بشكري وامتناني لكم أن سمحتم لخاطري أن يخطر بخاطره هذه الخاطرة، وأطلب من سيادتكم الأمن والأمان
والسلامة والسلام في النفس والأهل والمال والولد .
سيدي الرئيس باسمي وباسم شعب مصر المغلوب على أمره ، المقهور في وطنه، أرسل لكم تلك الرسالة التي فيها من الخير الكثير لكم، وما تتفضل به من فيض كرمكم علينا، ولتسمح لي سيادتكم أن تمنحني حق عقد اتفاق معكم، وطالما عهدتك فارسا نبيلاً، لا تقتل الرسل، ولأن العقد شريعة المتعاقدين كما تعرفون، فإليك البنود ولنتفاوض سيدي فيما لا يرضيك، ونسأل الله لك طول العمر ووافر الصحة وراحة البال.
(المادة الأولى)
· الملكية لك ولأسرتك من بعدك إلى ان يرث الله الأرض ومن عليها.
(المادة الثانية)
.يحق لك ولمن يخلفك أطال الله في عمرك، نهب جميع خيرات البلاد بلا استثناء دون تأفف أو تذمر أو اعتراض منا.
( المادة الثالثة)
. نطلب من سيادتكم أن تتكرموا علينا مقابل ذلك برفع أيدي الزبانية عنا
(المادة الرابعة)
. نعاقب إذا خالفنا هذا الاتفاق بالشنق والصعق والذبح
طرف أول طرف ثاني

شعبكم المخلص دائما شعب مصر

هناك 83 تعليقًا:

محمد عبد المنعم يقول...

السلام عليكم

أول زيارة و أول تعليق
:)

كيف حالك أخي وميض؟

أشكرك على المرور عندي .. أسعدني كثيرا

رسالة أخرى إلى السيد الرئيس

حسابك تقيييييييييييييييييل قوي قدام ربنا يوم القيامة

دا لو كنت عادل كان هيبقى حسابك طويل على 250 مليون واحد في رعيتك في مدة حكمك

أمال بقى و إنت ... زي ما أنت عارف كدا

هيبقى حسابك عامل إزاي؟

ربنا يهديك
و يصلح حالنا عشان نستاهل حد أحسن

لأنه كيفما تكونوا يُوَلّ عليكم

تحياتي

Unknown يقول...

تاني واحد يعلق
عاوز أشكر على الزيارة الحلوة لمدونتي
عندك عبقرية في اختيار الألفاظ والكلمات عجيبة يا اخي
بس بجد، باستمتع لما آجي عندك

Hoda يقول...

اهنيك اولا على الاسم جميل قوى اسم وميض ثانيا انا اول مره ازور المدونه المميزه دى وبجد مواضيعها فى المليان زى ما بيقولوا ربنا يوفقك ويا ريت تبقى تشرفنى فى المدونه بتاعتى علشان رأيك يهمنى
خالص تحياتى

rainbow يقول...

استاذ اسامة
الخاطرة اللى خطرت فى بال حضرتك خاطرة خطرة جدا
فالزبانية استاذى يعملون بمبدأ هام اذا كان لا يغنيك ما يكفيك فكل ما فى الدنيا لا يكفيك

وكل ما عندنا حتى لو عصرونا لن يكفيهم .. ووجودهم شرط اساسى لوجود الباشا الصغير قبل الباشا الكبير .. يعنى التفاوض ده باااااااطل والعقد لاغى مبدئيا

برجاء اخطار خواطرك بالمخاطرة بانشاء خاطرة جديدة موسعة تشمل اطراف الاخطوبوط كلها

لكن كفاية انك خاطرت مرة ومش كل مرة تسلم الجرة وبنشكرك وكفاية كده انها عدت المرة دى
اذا كانت عدت يعنى

عميق تحياتى
هدى

ابن رشد يقول...

اية الجمال دة
لا رسالة في الجون بجد
بس طمني عليك انت بعد ما كتبت الرسالة رحت فين يا راجل طمنا عليك

YHYيــوســف الـمصـرى يقول...

السلام عليكم
..........
يا أخى مش عارف اقلك ايه بس !

:):):):):):):):)

تحياتى

MAKSOFA يقول...

بصراحه موش عارفه أعلق

محمد عبد الغفار يقول...

اريد ان اوجه له رساله ايضاً واعكف على اعدادها الأن

تختلف عن رسالتك

Waleed Fareed يقول...

السلام عليكم
أول ما أعجبني وأطربني هو لغة وجمال كتابتك بها
فجميل ما استعملت من كلمات
وشكرا علي هذه المتعة اللغوية حقا

على باب الله يقول...

مش عارف أعلق بصراحة

رسالة هي في قلب كل مصري فعلاً

--

يا رب يكون في أمل في إنصلاح الحال

--

أحب أسجل إعجابي الشديد بمدونتك الجميلة
كل المواضيع رائعة حقيقي

أتمني لك التوفيق

سلوى يقول...

يا لها من خاطرة

هي في خاطر كل مصري

وضع يحسسك بقله الحيله والضعف

بس لكل شئ نهايه

لكل شئ نهايه

أحييك على خاطرتك التي تعبر عن وضعنا

خالص تحيااااااااتي

اسامة يس يقول...

اخي الكريم/ محمد عبد المنعم

شكرا على اطرائكم الكريم
وبالفعل حسابه ثقيل اوي ... لان كم مليون انسان عمال يظلم فيهم..
دمتم بكل ود..
خالص تحياتي

اسامة يس يقول...

الرائع/ يوميات عيل مصري
شكرا على ثنائكم الكريم ... وانتم ايضا تملكون قلما له مذاقا وروح خاصة...
دمتم بكل ود..
خالص تحياتي

MKSARAT - SAYED SAAD يقول...

وميض
لا يغير الله ما بقوم حتى يغيروا ما بانفسهم
اختلط الحابل بالنابل يا عزيزي فلم يعد احد يدري من القاتل ومن الضحية هذا ليس دفاع عن شخص معين لكننا الان نعيش اسوء فترة تذبذب في كل شئ
حسبي الله ونعم الوكيل
بوست جميل قلب المواجع
تحياتي

a Dreamer with feet on the Floor يقول...

Dear Osama.

thx 4 Ur suggestion...let me tell U mine..I had that Idea since a time 2...and it is good 4 both of Us ..the Citzenes,,and the royal Family..
Hosni..can B a king ..and enjoy the Title and the money He and his family ever after ...But as a king who does not Role..just a sympol ..like Kinges and Queenes ...in West Eoroupe.._UK< Holand< Denmark< sweden..usw..

and in return he let us Elect a Government that we will choose...leaded By Prime Minister...

as in Ur suggestion...it is not possible that he stayes and rule us without using those Wild Ugly Guard dogges..
how can he Role with them...it is out of the Question...so pls think in my Theory.

wish 2 read more and more topics of U ..thx.

اسامة يس يقول...

اختي الكريمة/ هدى
رغم ان معاك حق بس التنازل صادق كفوا ايديكم عنا فقط .. الزبانية ضروري عشان ينبهوا طب مخلاص ينهبوا وهنتعهد اذا خالفنا بأن التنكيل بنا من حقهم ... يعني بنشتري نفسنا بس ...

شكرا على تفاعلكم الكريم .. والمرة الجاية احاول اكمل بقية خيوط العنكبوت اقصد الاخطبوط
هههههههههه
دمت بكل ود...

اسامة يس يقول...

الحمد لله لسه مرحتش ورا الشمش يا شمس
ههههههههههه
وربك الحفيظ ....
دمتم بكل ود...
خالص تحياتي

اسامة يس يقول...

اختي الكريمة / حنين
شكرا على اطرائكم الكريم ..
اسعدتني زيارتكم العطرة
دمتم بكل ود..
خالص تحياتي

Coca يقول...

وميض
تدوينه حلوه والله اوي
جلاله الملك محمد حسني مبارك هيحبك كتير كتير
بس شكلك ناوي تجر شكله ودا زعله وحش
تحياتي

Unknown يقول...

نحن نساندك وندعمك ونقف بجانبك
ونؤيد خطاك ونصفق لكلامك
ونتابع كتاباتك
ونهلل لخطاباتك
يا








سيدي الرئيس

شبابيك عربية يقول...
أزال المؤلف هذا التعليق.
شبابيك عربية يقول...

السلام عليكم

رسالة رائعة ، أكيد كل مصر عايزة تقولها

أنا بتعجبنى جدا كتباتك وأسلوبك
ربنا يوفقك

محمد العدوي يقول...

من الخطا الذي نقع فيه جميعا تصور أن هذا الشخص هو سبب كل مشكلة .. صحيح أن البلاوي تقف عنده في الآخر . بس ليس من العدل السماوي أن يؤخذ شعب كامل بصنيع فرد أو حتى أفراد .. إلا إن تذكرنا قول الله تعالى ( وإذا ا{دنا أن نهلك قرية أمرنا مترفيها ففسقوا فيها ) ..

رحــــيـل يقول...

ربنا معاك بجد
انا خايفه عليك
غالبا احنا ملناش حق حتى نقترح او نتكلم
حتى لو كان الكلام فى صالهم

بس بوست جامد بجد
ربنا يوفقك
خالص تحياتى وتقديرى لك

حبة حاجات (ايمان) يقول...

وكلنا معاك بنهتف ونقول
عـــــــــــــاش الملك

تحياتى

اسامة يس يقول...

تواجدكم ومروركم الكريم اوصل اما تريد قوله يا اخي العزيز/ يوسف
دمت بكل ود..
خالص تحياتي

اسامة يس يقول...

اختي الكريمة/ مكسوفة
تشريفكم لي بالزيارة يكفي ...
لا حرمنا الله منا ..
دمتم بكل ود..
خالص تحياتي

اسامة يس يقول...

اخي الكريم .. محمد
وجه له ما تشاء ويسعدني ان نقرأ سطورك الموجهة ...

دمتم بكل ود..
خالص تحياتي

klmat يقول...

عزيزى ا/ اسامه
الشعب المصرى يغنى
خايف اقول اللى فى قلبى
تحياتى وسلامى

اسامة يس يقول...

NoHeal
شكرا على اطرائكم الكريم ومروركم العطر..
دمتم بكل ود..
خالص تحياتي

^ H@fSS@^ يقول...

اسفه للتطفل على غير موضوع المقال
الرجاء زيارة الرابط الموجود لعل و عسى
http://elnaswiel3alam.blogspot.com/2007/11/blog-post_17.html
شكرا

Desert cat يقول...

انت بتطالب برفع يد الزبانية بس
لاء انا ليا كذا مطلب قبل ما اوقع على الاتفاقية دى
هو مش الشعب كله طرف اول والريس طرف تاني
يبقا يرفع يد الزبانية ويد الضرايب ويد التامينات ويد مجلس المدينة ويد الاموال العامة ويد امن الدولة ويسيبونا نشوف شغلنا فى امان بئه
واحنا مش لينا دعوة بيه خالص
ضيف توقيعى يا باشا

Desert cat يقول...

معلشى نسيت اقولك حاجه
لو الباب بتاعكو خبط قبل الفجر بشوية وكان خبط جامد اوى متنساش تودع اهلك كويس قبل ما تفتح
تحياتى

beroo يقول...

السلام عليكم
اتشرفت بزيارة مدونتك لاول مره بصراحه لا تعليق ربنا يكرمك
بيروو

فريدة... يقول...

حقيقي آآآآه

يااا بلد

تحياتى

اسامة يس يقول...

على باب الله
جزاك الله خيرا على مروركم الكريم...
وتواجدكم اسرني كثيراً
شكرا على اطرائكم العطر بحق المدونة...

ويارب يصلح الحال..
دمتم بكل ود..
خالص تحياتي

اسامة يس يقول...

اختي الكريممة / سلوى
لنا الله الذي لا يغفل ولا ينام
سعيد بتواجدكم ولا حرمنا الله من تكرار الزيارة...
دمتم بكل ود..
خالص تحياتي

اسامة يس يقول...

اخي الكريم/ سيد
اختلط الحابل بالنابل نعم
لكن من الذي خلط الحابل بالنابل
انهم الطغاة

دمتم بكل ود..
خالص تحياتي

اسامة يس يقول...

a Dreamer with feet on the Floor

اولا شكرا على تشريفكم للمدونة بالزيارة ...
واقتراحكم هذا رائع ان كان على شاكلة العقد ههههههههههه فأن يكون ملكا يملك ولا يحكم امر جيد ... اما اذا كان اقتراح حقيقي وليس على شاكلة العقد في الرسالة ... فمن يعطيه هذا الحق .. ولماذا يملك ....
لكن اذا كان لابد من الزبانيه ولا مناص فليكن ..هههههه

دمتم بكل ود...
خالص تحياتي

Unknown يقول...

طب ياعم أسامة مين اداك حق تتكلم بإسمنا؟؟

أديك هاتودينا في داهية
.
.

زبانية؟؟؟

فين دول
أنا شايف الدنيا ربيع والجو بمبي

:))
......

الفكرة كويسة
أقولك أعمل تصويت ونشووووووووف

قطوف يقول...

كلام فى الجون
ياه هو لسه فيه كده
احنا نلم توقيعات للعهد دا وانا اول واحد
هيوقع
بس بجد أسلوبك حكايه
من الحق متنساش تسلملى على عبد المعطى
متخافش روح انت وانا بص هفضحهم
لو رحت ايقلى حاول تصور
بس مش كل حاجه تصور
اوعى ؟؟؟؟؟؟؟؟

اسامة يس يقول...

cocaاختي الكريمة
انا مش ناوي اجر شكله دا مجرد اتفاق وافق عليه كان بها موفقش ادينا ساكتين ...هههههههههه

شكرا على اطرائكم العطر
خالص تحياتي

اسامة يس يقول...

اضحك الله سنك يا سامح..
انا قلت انا بقيت الرئيس ولا حاجه
هههههههههههههههههههههههههههههههه
لكن الخاتمة فوقتني
دمت بكل ود..
خالص تحياتي

اسامة يس يقول...

شبابيك عربيه
شكرا على ثنائكم على المدونة وصاحبها ...
لا حرمنا الله من تكرار الزيارة...
دمتم بكل ود..
خالص تحياتي

اسامة يس يقول...

اخي الكريم/ محمد العدوي
المشكلة انه السبب لانه فاسد والفاسد لا يأتي بخير ... ويحرص ان يكون الجميع حوله فاسدين كي لا يؤرق ضميره احد .. وبالتالي تتسع الدائرة .. والآية قطعاً في محلها هنا....
دمت بكل ود...
خالص تحياتي

عمر أفندى و أبووه يقول...

انا موش موافق و موش همضى على موضوع الصعق و الشنق ده علشان هو موش هيفهم ان ده لو خالفنا و ينفذ الكلمتين دول بس و يقولك انتا مضيت

ا بـن عــمــر يقول...

ربنا يكرمك كلام جميل
لقد اسمعت ان ناديت حيا
ولكن لا حياة لمن تنادى

اسامة يس يقول...

ra7eel
شكرا على تواجدكم الكريم ..
والله خير حافظاً وهو ارحم الرحمين

دمت بكل ود..
خالص تحياتي

Unknown يقول...

خير اللهم ما أجعله خير دخلت لقيت المدونة نورت كدة مرة واحدة
:))

ماعرفش ليه كان اسم وميض لايق في وسط الضلمة الأولانية

ماعلينا

بالنسبة للرسالة يعني ياراجل مافيش بند واحد يوحد ربنا في صالح الشعب؟ ايه؟أول ماربنا يفتحها علينا ونبعت رسايل مانجيبش سيرة خالص عن مصالح الشعب؟

وبعدين هو يعني الراجل هيعترض ليه بعد اللي انت قولته ده هي دي بنود حد يعترض عليها؟
:))

فكرتني بفيلم جواز بقرار جمهوري

تحياتي

اسامة يس يقول...

حبة حاجات (ايمان
ههههه عاش عاش عاش
يطول عمره هاي هي

دمت بكل ود..
خالص تحياتي

اسامة يس يقول...

klmat اختي الكريمة
هههههههههه
تفتكري لو قال هيسيبه ... دا لسه مردش على العقد
هههههههههههههههههه
دمت بكل ود
خالص تحياتي

اسامة يس يقول...

اختي الكريمة/ قطة الصحراء
طب واحده واحده على الريس عشان يوافق الاول على البند دا .. منبقاش طماعين....
وربك الحفيظ
دمت بكل ود..
خالص تحياتي

AMRO .O. ABDELHALIM يقول...

سلامات اسامة
يخبر ابيض
الرغبة فى االبوح بما قد يجلب المشكلات تدفعنى للتخفى وراء اقنعة من التمويهه فى بعض ما اكتب
يبدو ان مصر تسير القهقرى حثيثا تلقاء الزمان الخديوى

ومن سيهتم ، يحدثنا التاريخ عن ديمقراطية سادت ذاك العهد ثم بادت
فهل سنرى مثلها فى الملكية القادمة؟
الاتفاقية محكمة البنود،،
ولكن مولانا الاغاخان قد يرغب فى ااصدار فرمان باقتراحاته لضمان مستقبل جيل الغد

خلى بالك من نفسك ،
تحياتى لك

دكتور حر يقول...

الله يسامحك

ليه كده بس

هو الواحد ناقص

صدقني
حلوه
بس مش قادر اضحك

أشكرك على البوست الجميل

MAKSOFA يقول...

تعالي عندي بوست جديد وعايزة اعرف رأيك

غير معرف يقول...

موافقـــــــون


(أيادى مرفوعة ورؤوس نايمة وبتشخر خوخوخوخوخو)

البِـئرُ والظمّأْ يقول...

هههههههههه
اسامة ازيك
معلش مقصرة معاك و مش باجي



هههههههههههه مش بعمل حاجه غير اني حاطه ايدي على بقي من كتر الضحك








لا حول ولا قوة الا بالله
ايوه كده ضحك الشعب .. طلعنا من اللي احنا فيه



زيزي

اسامة يس يقول...

beroo اختي الكريمة
انا اللي تشرفت بزيارتكم الكريمة ..
شكرا على اطرائكم الكريم
دمت بكل ود..
خالص تحياتي

اسامة يس يقول...

اختي الكريمة / فريدة
والف اه على هذه البلد .. وواسفاه عليها...

دمت بكل ود..
خالص تحياتي

اسامة يس يقول...

أنونيمس
ههههههههههههههههههههههه
اللي اداني الحق اممممم يعني مش عايز تمضي
طب استلقى وعدك من حسني
هههه
خايف اعمل استفتاء ازوره هههههههههههههه
شكرا على عمق تواصلك
خالص تحياتي

اسامة يس يقول...

سي السيد صديقي العزيز
لازم تيجي تزورني اياك تتخلى عني بس انا قلت ايه غلط بس انا مسالم خالص اهو وبقول اننا موافقين من غير معارضه ولا ديالو

خالص تحياتي

اسامة يس يقول...

عمر افندي وابوه
هههههههههههههههه
بس هوه بينفذ الشنق والصعق من غير توقيع .. نوقع جايز قلبه يحن هههههههه
دمت بكل ود...
خالص تحياتي

اسامة يس يقول...

ابن عمر

لا حرمنا الله من تكرار الزيارة
وشكرا على اطرائكم الكريم...

وبالفعل لنا الله
خالص تحياتي

اسامة يس يقول...

fanan fa2eer
المدونة منورة بيكم

لا ممكن يعترض حقه امال انا ليه بقول العقد شريعة المتعاقدين

هههههههههههه
خالص تحياتي

اسامة يس يقول...

صديقي العزيز عمرو

العقد شريعة المتعاقدين وهنتفاوض على ما يغضبه عايز يزود العقوبات اوكيه عايز يلغي المادة بتاعة منع الزبانيه ماشي هنوقع بردو هههههههههههههههه
دمت بكل ود..
خالص تحياتي

اسامة يس يقول...

اضحك يا دكتور حر
فشر البلية ما يضحك

شكرا على تواجدكم العطر
لا حرمنا الله من تكرار الزيارة
خالص تحياتي

اسامة يس يقول...

يشرفني زيارتي لمدونتكم يا مكسوفة قرات الموضوع وعلقت عليه موضوع مميز..
دمت بكل ود

اسامة يس يقول...

شـــــهــــروزة

ليت انا لا نفيق اقصد ليت انا نفيق
ههههههههههههههه
سعيد جدا بتواجدكم
دمت بكل ود

اسامة يس يقول...

Meekness
منورة
والتقصير مني انا ...
ويارب ديما لا تفارقك الابتسامة
دمت بكل ود
خالص تحياتي..

واحد مصرى يقول...

و يرفع ليه ايدي الزبانية من علي أقفية المواطنين الاذلاء...لا هاتفرق معاه و لا محتاج معاهدة من حد...طز في الكل جتنا نيلة نستاهل ننضرب بالجزمة ...القديمة

اسامة يس يقول...

واحد مصري
ههههههههههههههههههههه
هدء من روعك لو كان الجميع يستاهل تبقى ضيعت حق آلاف المعتقلين والشرفاء ..
اعرف ان الغضب وفقدان الامل هو السبب وكتير جدا بنفعل كده .. لكن بعد لما شفت حديث الاستاذ الدكتور نادر الفرجاني على قناة الحوار والله حسيت ان في امل ...
دمت بكل ود..
خالص تحياتي

dr.Roufy يقول...

يااااااه

بجد من أروع ما قرأت
رسالتك..عبقرية..وللأسف منطقية
لكن اعتقد ان البنود الأولى ستطبق..و
غير ان جواب الشرط..لن يطبق
:)
انهم يروننا ملكا خالصا لهم..فليتحكموا كيف شاءوا ..أما نحن فلا يحق لنا المقايضة , ولو كان المبذول حريتنا واقواتنا

بجد تحياتي

اسامة يس يقول...

د. روفي

شكرا على اطرائكم الكريم ...
اهو بنحاول يمكن يحن ...
دمت بكل ود..
خالص تحياتي

Unknown يقول...

ههههههههه
حلوه يا اسامه
بصقفلك والله
بس ده تحت قانون العقوبات
ولا قانون الاحوال الشخصيه
هههههه

اسامة يس يقول...

لا دا تحت قانون سيادته بس ههههههههههه
قانون سيادته اعلى من الدستور

دمت بكل ود

مشمش يقول...

اخي وميض عجبني اسمك اوي والرسالة دي اوي ويارب تنفع مع ان مفيش فايدة كل الي اقدر اقولة حسبي الله ونعم الوكيل

اسامة يس يقول...

اختي الكريمة مشمش
وأنا اقول لنا الله ...
سعيد بتواجدكم .. دمت بكل ود..
خالص تحياتي

ملك الكبدة يقول...

اسامة حبيب قلبي
بقترح طبعا تضيف ميزة ملكية كمان
ملكية اليه يعني موش ملكية من ملك الكبدة
يا ريت توعده كمان بالتقويم المباركي الميمون اللي انا مدونه عندي لو ماخدتش بالك
على فكرة يا اوس اوس
انا عايز اعملك باك لينك عندي في المدونات المحبشة
ايه الكلام
رد بسرعة قبل ما المنحة الملكية الكبدية المحبشة ما تفوتك

اسامة يس يقول...

ملك الكبدة عندنا يا اهلا وسهلا ومرحباً....
لازم نضيف التقويم المباركي طبعا واي بند جديد سياته يضيفه بس اخاف يطمع في الكبدة بتاعتك ....
ودي طبعا متقدرش تسيب مملكتها ...
باك لينك في مدوناتك دا شرف كبير ليه .. الله يكرمك ..
دمت بكل ود... خالص تحياتي

السينيور يقول...

كلنا معااااااااااك

كلنا وراااااااااااك

كلنا فداااااااااااااك

مش حافظ بقيت الاغنيه الصراحة

بنت الاسلام يقول...

خاطرة دامية

معبرة عن واقع مر اليم

وخوف دائم من مستقبل يسيطر عليه شبح التوريث

ولكن ماهذا شعب مصر

وان عم الصمت زمنا

فسوف يعود الصراخ ازمانا وازمانا

ولكن

بلا خوف

اسامة يس يقول...

شاب مصري مفروس
ههههههههههههههههههههههههههههه
ولا بس حافظ
اديها كمان حرية ادي
ادي
ادي
ههههههههه

شكرا على تواجدكم العطر

اسامة يس يقول...

الكريمة/ بنت الاسلام
لابد ان يطلع النهار وان طالت ساعات الليل
.. وان غدا لناظره قريب...

شكرا على تواجدكم العطر
وتفاعلكم الكريم