29 أكتوبر، 2007

روووووم المسيح الحي

روم المسيح الحي
في البالتوك ضغط أديان .. غرف عديدة ، فضولا ضغط على روم المسيح الحي، عنوان التوبك:
موسم "الحج" حفلة جنس جماعي.
الأدمن شماس على المايك: النساء يداعبن أعضاءهن "بالحجر الأسود" حلوة اللغة الفصحى صح ههههههه.
على التيسكت: اسكت يا ابن الوسخة يا خـ.. يا ابن الم.. يا شر..... يا ابن صليب الكلب...
الصليب على التيسكت: اطرد ابن الم.... ابن الجواري ...
شماس على الميك: سيبه ياكل في بعضه عشان يعرف جهلة ابن الم...... قال حج آل، دنا هطلع عنين ابوهم.
بعد ذلك علمت أن هذه الروم من أقباط المهجر أو بمعنى أدق صهاينة المهجر.
روم أسلم تسلم
عنوان التوبك: "الجهاد فريضة"
ابن تيميه على الميك: صدقت يا أخي في الله جابر، هم ألعن من اليهود والنصارى،هم كلاب أهل النار... انهم يكفرون سيدنا معاوية... لعنهم الله ...
شيخ الإسلام على التيكست: والله لن تقوم الساعة حتى ينقضي أمرهم ، وكذلك المرتدين، من العلمانيين أذيال الغرب. لعن الله اليهود ومن هاودهم، والنصارى ومن ناصرهم.
ابن تيميه ما يزال: آه يا أخي يا أخي شيخ الاسلام ذكرتني بالعلمانيين أذيال الغرب، وأذنابهم،ولإن تمكن الاسلام لنشرد بهم من خلفهم، بقي أن أقول أن أمريكا خير من هؤلاء الشيعة في ايران فالرسول قال عن الشيعة انهم كلاب أهل النار وأنهم ألعن من اليهود والنصارى.
جابر على التيكست: صدقت والله.
أنا: على التيكست قبل أن أغادر: قال رسول الله صلى الله عليه وسلم " ما يزال المرء في سعة من دينه ما لم يسفك دما حراما .
ولشد اندهاشي من هذه الغرفة ومن سابقتها، أو انزل الله الرسل ليقاتل الناس بعضهم بعضا، ويسب بعضهم بعضا،أم ليسود السلام، وتنقشع الظلمة،والغريب المحير أن كل منهم مدجج بأنباء من الله، كل منهم يتحدث بسم الله،ولعلك ترى العجب العجاب في ذاك الانفصام في التكوين الذهني للعقل المتدين بصفة عامة، والمسلم بصفة خاصة.. فكل دين يعلم أبناءه الخير، ثم يطبقه ان طبقه أساسا على أتباعه فقط ، وكأن الخير المطلق يتجزأ ، وكأن الحق المطلق فيه فصال،ولست أريد مثالية طوبوية، بقدر ما أرى أن الله غني عن سفك الدماء ، غني عن التباغض والتشاحن، غني عن الكراهية، فهي لن تزيد ولن تنقص في ملكه شيئا،ومن يحسن الظن بالله يقطع أنه لا يرد إلا الخير للبشر، فكيف يأمرهم أن يكونوا أعداء باسمه. لا ادري، ولم يخرجني من اللا أدرية الا دخول مصطفى على الماسنجر ، فأغلقت البالتوك
.

هناك 36 تعليقًا:

EmY يقول...

كره و رفض الأخر بقي منتشر اوي
بين المسلم و المسيحي و اليهودي و السني و الشيعي الارثوذكس و الكاثوليك
ماحدش طايق التاني ولا عايز يتناقش او يتكلم
الكل شايف نفسه صح
و عملوا الدين شماعه للي بيعملوا

princess dodo يقول...

فكرة رفض الآخر
غير مقتصرة على الدين فقط
للأسف
لكن يبقى الدين
منطقة محرمة لكل شخص
يرفض التعدى عليها
فلماذا إذاً التعدى على
الآخرين

أراها ثقافات
وتداخلات
هدفها التشويش
وسيادة فكرة ما
أخشى أن اسميها
إرهاب

****

أحييك لطرح الفكرة
فعلا مهازل بتحصل
فى الرومز


تحياتى

osama يقول...

صحيح يا ايمي الامر اصبح في النفوس ذاتها .. وبيتسر باسم الدين...
دمت بكل ود...
خالص تحياتي

sa7arkash يقول...

تصدق انى بكره البالتوك دة جدا

من سنين عديدة دخلت على روم بتتكلم عن مسلين تنصروا...ودار بينهم حوارات بالطبع كلها ملفقة ومسيئة للمسلمين والمسيحيين على السواء


لعن الله ابواق الشياطين
وحسبناالله ونعم الوكيل فيمن يتربصوا بنا لعمل فتنة طائفية

فزلوكة يقول...

أنا بقى خدتها من قاصرها ومبدخلش أى رومات
بس بالنسبة لموضوع التدوينة المهم فى حد ذاته إن إحنا كمجتمعات عربية ولا أقول إسلامية نتبنى نظرية الرأى الأوحد والصحيح المطلق نتيجة للاوضاع التى عشناها سواء كانت إجتماعية أو سياسية بس كان ليا إقتراح ينفع تغير الباك جراوند الإسود
وسلام
زهراء

طال الليل يقول...

الموضوع موجود من زمن
طبعا كل واحد من حقه بل من واجبه يبحث عن الدين الذى يعتبره حقا وحين يجده لابد أن يعتقد أنه الحق الذى لا شك فيه ويدعو إليه بالحسنى ولا يصح فى نظرى لغة السباب القذر
قال تعالى
ولا تسبوا الذين يدعون من دون الله فيسبوا الله عدوا بغير علم
صدق الله العظيم
أما المسائل الخلافية فطبعا من حقك أن تناقش بأدب وتبحث عن الأدلة وتجلس مجلس المتعلم أمام أهل المعرفة بالمسألة المطلوبة حسب تخصصه ثم تأخذ ما يترجح لك من أراء المتخصصين
وليس من خلق الإسلام تبادل الإتهامات بالتخوين والعمالة والسباب المقذع

NilE_QueeN يقول...

افعال الاشخاص دول ناتج عن خلل كبير ف تربيته اثر عليهم

زمان ولا دول ولا دول يعرفوا عن دينهم بما فيه الكفايه لحياتهم
لكنهم تبنوا فكرة رفض الاخر

بما انى حلو اذا كل الناس وحشين
و ان كان دا وحش يبقي يستاهل اى حاجه وكل حاجه
شكرا على زيارتك لمدونتى وتعليقك

واحد مصرى يقول...

يا عم أسامة...زي ما فيه أهلاوي و زملكاوية بيصرخوا و يهتفوا بشكل هيستيري و البعض منه تجده واصل لمرحلة الطلوع من الهدوم من فرط التشجيع و واقف زي شمشون بالفانلة الداخلية.....فيه برضه نفس الموديل ده بس التشجيع هنا محوره الدين و كله مشغل الحنجرة و اديلو.....أهو كله أفيون

دمت بخير يا عزيزي

osama يقول...

اختي الكريمة/ دودو
شكرا على تفاعلكم الكريم مع السطور...
وهي بحق اصبحت ظاهرة لا يسلم منها الا من رحم ربي..
خالص تحياتي

مُزمُز يقول...

في الحقيقة دي كمية غباء وجهل ولاإنسانية تدفعك للتقيؤ

حاجة تقرف بجد

Monzer يقول...

الجهل يخلق التعصب
ومن ضدة الفتن ومن ضعفنا أصبحنا شرسين
فى غير الحق وفى غيره موضعه

أخشى من النتائج


لقد تجولت فى مدونتك الرائعة ... حزين انى لم اتابعها من مدة كافية
موضوعات شيقة جدا والتناول بها غاية من الرقى
تحياتى

سى السيد يقول...

البوست دا واللى قبله ابداع
لعبت فى ملعب كتير بيخاف يلعب فيه بس بصراحه انت واضحة مهارتك واظهرت أسلوب جرئ احييك عليه
بوست جميل
وصدقنى دا حوار اغبياء وجهل
وبصراحه انا بخاف ادخل على روم الاديان
بس بوست جميل

ra7eel يقول...

كويس ان مصطفى دخل على الماسنجر
وانك قفلت
اختيارك للمواضيع بتاعتك حلو قوى
حسيت فعلا بإختلاف فيها
خالص تحياتى
بس مصطفى مين صحيح
ههههههههههههه

osama يقول...

sa7arkash
بالفعل في ابواق تهدف فقط للفته واشعال الحرائق .. ولا تسعى الا للدمار...
وبيتاجروا بالدين وبيتخذوه وسيلة...
اختي الكريمة سعيد بتواجدكم في صفحتي..
خالص تحياتي

osama يقول...

الكريمة / زهراء
بالفعل السبب الرئيس هو الكبت الذي تعيشه الشعوب العربية .. والتسلط والراي الاوحد..
وبالنسبة لاقتراحكم بتغيير اللون.. علم ونفذ يا فندم..
دمت بكل ود..
خالص تحياتي

osama يقول...

اخي الكريم/ طال الليل
صدقت للجميع ان يدافع عما يراه الحق طالما لم يداخله قلبه هوى حين كان يدافع عنه ...
ورائع استشهادكم بهذه الآيات الكريمة
وأنا ايضا انتظر مروركم اتفقنا او اختلفنا ... فنحن اخوة في الله
...
دمت بكل ود...
خالص تحياتي

osama يقول...

NilE_QueeNأختي الكريمة

بالتأكيد كما ذكرتم للتربيه دور .. وتبني الراي دون رويه ...
سعيد بزيارتكم وتوقيعكم العطر..
دمت بكل ود..
خالص تحياتي

osama يقول...

اخي الكريم/ واحد مصري

كلامك سليم مليون الميه التعصب هنا شبيه لتعصب الفرق ، تعصب انتماء لدين معين دون تروي.. وان كان هناك عذر في الكرة فالذات فيها غالب لا الارقام.. وروح الفن والانطباع.. الا ان الاديان لا عذر ان تكون العداوة والتشجيع فيها بهذه الطريقة .. ان اشتققنا المصطلحات الكرية يخلوا عندكم اخلاق دينية اقصد رياضية هههههههههههه
دمت بكل ود..
خالص تحياتي

حبة حاجات (ايمان) يقول...

انا راى ان مش المفروض اننا ندخل الررومز دى لانها ممكن تاثر على ناس بالسلبى
اقلها انه ممكن الكلام الكتير عن المسيحين والمسلمين ودول يشتمو فى دول
ممكن جدا اقلها انه ياثر على جارى اللى هو من ديانه تانيه انى اكرهه او اعلمه بشكل سيئ جدا لمجرد انه على ديانه غير ديانتى

تحياتى

Mohamed_sobhy84 يقول...

حد يخش البال توك يا راجل
ده موصوف للناس اللي ضغتها منخفض

osama يقول...

معاك حق يا مزمز .. في كل ما وصفت وهذا الشعور الذي اعتراك هو ذاته ما شعرت به...
دمت بكل ود..
خالص تحياتي

osama يقول...

اخي الكريم منذر
سعيد بتواجدكم سعيد بمعرفتكم .. سعيد بتواصلكم العطر..
دمت بكل ود..
خالص تحياتي

osama يقول...

اخي الكريم/ سي السيد
شكرا على اشادتكم واطرائكم الكريم..
سعدت برأيكم وتواجدكم..
ومن خاف سلم ههههههه
لك خالص التحية,..

osama يقول...

اختي الكريمة/ رحيل
شكرا على اطرائكم العطر
ولا حرمنا الله من تكرار الزيارة..
مصطفى ههههههههههههه اكيد صديقي على النت كويس انه انقذني من الموقف هههه
دمت بكل ود..
خالص تحياتي

osama يقول...

اختي الكريمة / ايمان
اتفق معكم في الراي ، لكن هذا كان من باب الفضول وكان في بداياتي مع البالتوك ككل ... وللعلم هذا الموضوع وكل ما يتعلق بالبالتوك من فترة وليس الآن...
سعيد بكم جدا في مدونتي
دمت بكل ود..
خالص تحياتي

osama يقول...

Mohamed_sobhy84
احيانا الفضول يفعل اكثر من هذا
بس انت ازاي عرفت
ههههههههههه
سعيد بتواجدكم..
دمتم بكل ود..

خالص تحياتي..

MKSARAT SAYED SAAD يقول...

سمسم العزيز
المسلم من سلم الناس من لسانه ويدة ونحن الان نعشي فترة وهن وتداخلات كثيرة لمنع رايه الاسلام من الرفرفة فوق اراضيهم مرة اخرى فهم يعلمون جدا مدي ضعفهم ولذلك يشتد كفرهم

تخاريف خاصه! يقول...

لا واللى يفقع..انهم مسمين نفسهم
ابن تيميه..وشيخ الاسلام!!!!!

لا حول ولا قوة الا بالله...
اغبى حاجه ان الرومز دى مافيش عليها رقابه...!!

osama يقول...

صديقي العزيز/ سيد
صدقت وصدق رسول الله ..
المسلم عفيف طاهر ..
ليس بسباب ولا لعان ولا فاحش ولا بذيء
...
دمتم بكل ود...
خالص تحياتي

كشكول يقول...

ياخي البالتوك كلهم كفرة ومرتدين عن دينهم

ومشكلتهم انهم اصحاب الغرفة


والمتحكمين بالناس


ولو الادمن مش عاجبه كلامهم يطردوه او ريد دوت


ولاد كلب صهاينه

Fantasia يقول...

ya osama elpost dah waga3 2alby wana b2rah. ana mesh 3arfa elnas di 3ayza eih! ya3ni law rabenna kan 3ayezna kolena ntabe3 deen wa7ed, kan ye2dar bsohola. homa hye3mello qanoon a7san lelkoon elmafrood? w elkorh dah byfeed meen? ana mali 3'eery mo3taqed eih. elensan elli fe3lan rady 3an nafsoh mesh momken ykoon 2albo eswed kedda. kol elnas dol tl2eehom feehom el3ebar w mesh 3ayzeen yewagho el7a2ee2a di.

nas kteer t2olak ma homa elli ebtado. tes2alhom meen? emta? ezay? y2olak 7aga sahl awi tgeblo elli yesbet 3aksaha. ya3ni eih homa elli ebtadoh? w eih see3'et elgam3 di? nazareyet elmo2amrah ba2a 7ades wla 7arag. kol wa7ed faker el3alam mt2amer dedoh. tla2y 7'yal 7'orafy fi qesas elmo2mrat. w nas kteer tsada2. m7adesh ye2ef yes2al tayeb lama ye7'alaso 3aleena hyestafeedo eih. tayeb lama e7na nrod bmo2amrah (tab3an di yesamooha gehad) w ne2dy 3aleehom. hnestafeed eih? tayeb maho law ana wafe2t 3al manteq dah, yeb2a m2darsh aloom elli yekrahny. w 2a7'ret kol da eih? hnmawet ba3d kolena? howa da el7al?

ana begad bmoot lama 7ad y7awel yeqne3ny b elklam elfare3' da. w mo3zamhom nas kobar f elsen. elmafrood 3asho ayam mafeehash elta3asob elli mawgood enharda. tayeb eih elmatloob? y2oloolak na7'od ganb. wba3deen? y2oloolak neb2a eid wa7da dedohom. tayeb leeh? ana mashoftesh menhom 7aga we7sha. bel3aks. a3ady nas ba7ebohom leeh? 3alashan nas bt7'araf?
w ya welak ba2a law e3taradt w mwafe2tesh t3mel kedda. teb2a manbooz wa2ty, w elbattah elsooda ganbak teb2a bent nas. wklam ba2a mn noo3 rabenna yehdy. aslek 3lneyatek.
elnas dol 2olayleen geddan. laken lel2asaf bye3melo takatolat w nas kteer tetkesef twagehom b7asm. laken myenfa3sh el2omoor tefdal may3a kedda. lazem ykoon feeh mowaghah. elli bye7sal da kolo rodood af3al. laken elfe3l nafsoh elli etbanet 3aleeh rodood el2f3al di maloosh wogood. kolo kalam w awham. elli byedfa3 tamanha elbalad, w agyal malhash zanb.

osama يقول...

الكريمة / شيماء
شكرا على تشريفكم للموضوع.. والاسماء مختارة كتقوقع حول السلف
دمتم بكل ود
خالص تحياتي

osama يقول...

الكريمة/ صاحبة عالم فانتازيا

اشكرك جدا على تعليقكم الوافر المستفيض ... الذي لخص الواقع البئيس الذي نحياه ....
لا حرمنا الله من تكرار الزيارة
دمتم بكل ود...
خالص تحياتي

osama يقول...

الكريم/ كشكول
هدء من روعك ... فلا نعمم .. لكني قطعا اتفهم غضبك وقصدك ...
دمتم بكل ود...
خالص تحياتي

Soooo يقول...

عارف يا اوس

اول ما قريت الموضوع ده جه في دماغي رواية ولاد حارتنا بتاعة نجيب محفوظ
هي فعلا فيها من اللي بيحصل ده
كل اتباع فتوة .. من الفتوات بتوع الحواري الشعبيه .. بيناصرو الفتوة بتاعهم حتى لما يموت
ويفضلو يشتمو في الفتوة اللي جه بعديه
وهكذا وهكذا دواليب .. دواليب وسراير وترابيزات


الدين عندنا احنا دلوقتي بقى كده



ملحوظه
فتوة .. مش معناها فتوى من فتاوي المشايخ .. المقصود بيها فتوة الحاره اللي بيحميها

سلامووووووووووووز

osama يقول...

سو يا سو
يا اهلا بيك هنا ...
صح ، كل حزب بما لديهم فرحون...
ويغفل ان الدين للرحمة ولتطهير القلوب والنفوس...

شكرا على تعليقكم الذي اسرني كثيراً..
دمتم بكل ود..
خالص تحياتي