3 أكتوبر 2007

حسبة برمة


انا خايب اوي في الرياضيات بس والله لما كبرت حبتها ، وقلت لو استدبرت من امري ما استقبلت ... يعني بالبلدي لكنت درستها باتقان وخصوصا الهندسة عشان ميحصليش اللي انا فيه حاليا... .. وعندي عقده من الاعداد الفردية خصوصاً ... فأي حد يطلب مني اضرب عدد فردي في عدد اخر او اقسمة او اجمعة بتنشن على طول وابلم .. سعات بعمل نفسي بحسب بس بجد بكون اكيد بفكر في اي شيء الا اني احسبها ... يعني تخيل نفسك بتجمع 713+913 = انا والله بالنسبالي مشكلة ... او تضربهم او تقسمهم ... طبعا الاعداد الزوجية نفس المشكلة بس الفكرة اني بحاول معاها لانها ديما بتحسسني ان في امل فالعدد هيطلع زوجي في الاخر ... وكل اشويه بسمع كلمة هوه في ايه هيه حسبة (برمة) وكنت برددها ذي البغبغان لما حد يتلكع في فهم اي شيء طبعا مش رياضيات ... لحد في يوم لما واحد بيقول هيه حسبة ( برمة) رحت قايلة تعالى هنا هيه ايه حسبة برمة اساسا ... لقيته عارف ... قالي الموضوع وما فيه ان واحده ست من قرية في محافظة الغربية كانت ماشية وشايلة على راسها طبق مليان بيض ، راح واحد من غير قصد ماشي بعجله زقها وقع البيض واتكسر ... راحت اشتكته قالها يا ستي الحاجه من غير شكوى قولي كم عدد البيض وانا ادفع تمنه ... ردت وقالت:

انا كنت لما اقسمه كومين يتبقى بيضه

اقسمه تلت كومات يتبقى بيضة

اقسمة اربع كومات يبتبقى بيضه

خمس كومات يتبقى بيضة

ست كومات يتبقى بيضة

سبعة ميتبقاش

.....................................

طبعا وكان عايزني احسب عدد البيض ... وبعد يأس مدقع قلتله غلب حماري راح مجاوب ؟؟؟؟؟؟؟ تفتكروا تكون الاجابة ايه

عشان ابسطها البيض اقل من 500

هناك 12 تعليقًا:

loumi يقول...

ههههههههههههههههههههههههه
أظن أظن
وإن بعض الظن إثم
وخطاء في الحساب
3أزواج
وفرد

ألا هي برمه فى الغربيه؟
:):):)
تحياتي

اسامة يس يقول...

لا بجد مش هفهم يعني ايه ازواج تلاته وفرد ... يعني كم بيضة بس هههههههه عشان افهم .... وبرمة والعهدة على الراوي في الغربية ههههههه ليه خير تعرفيها ...
سرني زيارتكم ...
خالص التحية ...

تائهة فى أرض الأحلام يقول...

أقولك على سر

أنا كنت علمى رياضة فى ثانوية عامة

وبجيب فيها درجات كويسة
وبحب الاقتصاد وبشتغل صحافة اقتصادية
بس حيت بالفشل ادام اللى انت قلته

درش يقول...

انت لما زرتني في البلوج بتاعي
قلت أرد الزيارة
و تحياتي و شكري
أنا ما كنتش أعرف حسبة برمة
بس حكاية تقسيم المواشي على الورثة قاريتها على لوحة في مدرسة ابتدائي و اسمها حسبة برمة
بس حسبة مشهورة زي ديه لازم يكون ليها كذا قصة و حكاية

Esmat يقول...

السلام عليكم
طيب الاجابة عليها جوايز
عموما منتظرة الجايزة
الاجابة
301 بيضة

يا رب يكون فيه جوايز
واجمل تحية

اسامة يس يقول...

وانا سعيد بردك للزيارة يا درش ويارب تتكرر ديما ... واكيد ليها الف مثل وزي ما قلتلك العهدة على الرواي خالص تحياتي

اسامة يس يقول...

بسم الله ما شاء الله يا عصمت ... الاجابة صحيحة مئة في المئة ...
طبعا لولا انها اتحسبت قدامي مكنتش عرفت انها صحيحة ....
والجايزة تنفع دعاء ... ان ربنا يزيدك من علمه ويوفقك اللهم آمين يارب ... ولا نبعت كرتونة بعدد البيض ههههههههه
لك خالص التحية ...

واحد مصرى يقول...

يا خبر ابيض.. ده الواحد دماغه اتمسحت خالص....بس بصراحة حزبة برما دي جامدة قوي...

اشكرك عل زيارتك لمدونتي المتواضعه يا اسامة ....دمت بالف خير

انا احمد الله واحمد الناس (أكثر الناس حمدا لله ) ـ يقول...

انا كنت بحب الرياضيات بس المسألة معقدة جدا

اتمنى ياشباب انكم تشرفونى فى مدونتى الخاصة """من بعييييييييييييييد """
على الرابط التالى

http://be3eed.blogspot.com/

khaled adel يقول...
أزال المؤلف هذا التعليق.
حبة حاجات (ايمان) يقول...

هههههههههههه
الله يعينك فعلا بتتعب

غير معرف يقول...

pr checker seo searchengine backlinks website backlinks